CBS teleýaýlymy «Marşallar» atly dramatik serialynyň premýerasyndan bary-ýogy 12 gün geçensoň, ony ikinji möwsüme uzaltmak barada karar kabul etdi. Bu barada Variety neşiri habar berýär.
Bu karar taslamanyň rekord derejedäki ýokary reýtingleriniň esasynda alyndy. Serialyň ilkinji bölümi 1-nji martda ekrana çykdy we birinji hepdede CBS hem-de Paramount+ platformalarynda 20,6 million tomaşaçyny özüne çekdi.
Bu görkeziji 2017-nji ýyldan bäri NFL ýaýlymlarynyň goldawy bolmazdan, efir dramatik seriallarynyň arasynda iň gowy netijedir. Mundan başga-da, «Marşallaryň» ilkinji bölümi Paramount+ striming platformasynyň taryhynda CBS-iň iň köp tomaşa edilen taslamasy boldy.
Serialyň wakalary Keýsi Dattonyň (keşbi Lýuk Graýms janlandyrýar) töwereginde bolup geçýär. Bu gahryman okyjylara öňden belli bolan «Ýellouston» serialynda hem görünýärdi.
Serial ABŞ-nyň iň iri maldarçylyk fermasyna eýelik edýän Dattonlar maşgalasy barada gürrüň berýär. Taslamany döeredijiler Teýlor Şeridan we Jon Linsondyr. Ýerine ýetiriji prodýuserleriň arasynda Art Linson, Kewin Kostner, Dewid S. Glasser, Bob Ýari, Stiwen Keý, Maýkl Fridman, Kristina Woros we Kit Koks dagy bar.
