Hytaýyň emeli aň we robototehnika ulgamynda iş alyp barýan Deep Robotics kompaniýasy at görnüşindäki üýtgeşik robotyny görkezdi. Bu taslama gündogar senenamasy boýunça 2026-njy – at ýylyna bagyşlanyp taýýarlandy.
Täze robota esas hökmünde senagat üçin niýetlenen Lynx M20 platformasy alyndy. Bu robotyň özboluşly tarapy, onuň hem tigirli, hem ätleýän şassisiniň bolmagydyr. Şeýle gurluş oňa örän çylşyrymly ýollarda we howply şertlerde bökdençsiz hereket etmäge mümkinçilik berýär.
Işläp düzüjiler robotyň daş keşbiniň hakyky atyň ölçeglerine juda ýakyn görnüşde bolmagyny gazandylar. Robotyň kellesi, guýrugy we hatda ata mahsus hereketleri gaýtalaýan toýnaklary-da bar. Onuň göwresi iň kiçijik at hasaplanýan poniden hem biraz kiçidir.
Robot-at diňe bir dürli tizlikde ýöremek ýa-da her hili oýunlary ýerine ýetirmek bilen çäklenmeýär. Ol öz üstünde adamy göterip, ony belli bir aralyga daşamaga-da ukyplydyr. Bu bolsa geljekde şeýle robotlaryň diňe bir senagatda däl, eýsem dynç alyş we syýahatçylyk pudagynda hem ulanylyp bilinjekdigini görkezýär.
