Ikinji dynç günleriniň netijeleri boýunça, «Bökegenler» (Прыгуны) multfilminiň ABŞ-daky girdejisi 86 million dollara ýetdi. Animasion film eýýäm bassyr ikinji hepde amerikan prokatynyň lideri bolmagynda galýar we «Ol barada ýatlatma» (Напоминание о нём) atly dramany yzda galdyrýar.
Dünýä boýunça multfilmiň gazanan girdejisi 164,7 million dollara deň boldy. «Bökegenler» eýýäm «Pixar» studiýasynyň «Kokonyň syry» (Тайны Коко) filminden bäri iň gowy başlangyç görkezen özboluşly animasion taslamasy boldy. Emma multfilmiň 150 million dollarlyk býujetini göz öňünde tutsaň, çykdajylary ödemek üçin ol entek prokatda uzak wagtlap saklanmaly bolar.
«Bökegenler» multfilmi 4-nji martda dünýä prokatyna çykdy. Film haýwanlary gowy görýän bir alym zenan barada gürrüň berýär. Ol öz aňyny robot-samyra geçirýän tehnologiýany döredýär. Haýwanjyga öwrülen alym, haýwanlaryň ýaşaýyş gurşawyny öwrenmek we olar bilen umumy dil tapyşmak üçin ýabany tebigata ugraýar.
