«Altyn malina» anti-baýragynyň guramaçylary 2025-nji ýylda amerikan kinosyndaky iň şowsuz işleriň ýeňijilerini yglan etdi. Iň köp baýragy baş keşbi Aýs Kýubyň ýerine ýetirmeginde «Dünýäleriň urşy» (Война миров) ylmy-fantastiki filmi aldy.
Bu film Gerbert Uellsiň romanynyň erkin ekranlaşdyrylan görnüşidir. Film «skrinlaýf» formatynda düşürilip, onda wakalar kompýuterleriň we smartfonlaryň ekranynda bolup geçýär. Kino tomaşaçylar we tankytçylar tarapyndan örän pes baha aldy — Rotten Tomatoes saýtynda onuň reýtingi bary-ýogy 3%-e deň boldy.
Film jemi bäş sany anti-baýragy: iň erbet film, iň erbet aktýor, iň erbet režissýor, iň erbet ssenariý hem-de iň erbet remeýk ýa-da plagiat üçin baýraklary aldy. Bellemeli zat, býujeti 10 million dollar töweregi bolan bu film giň prokata çykarylmady we göni Prime Video striming hyzmatynda ýaýradyldy.
Iň erbet zenan keşbi ugrundaky baýragy «Içalylar toýy» (Шпионская свадьба) filmindäki keşbi üçin Rebel Uilson aldy.
Keýt Hadson bolsa «Olaryň arzuwynyň sazy» dramasyndaky keşbi üçin ýörite «Redemption» baýragyna mynasyp boldy. Bu ýörite baýrak aktrisanyň «abraýynyň dikeldilmegini» aňladýar: ol ozal, 2021-nji ýylda «Mýuzik» filmi üçin «Altyn malina» alypdy.
«Altyn malina — 2026» anti-baýragynyň netijeleri:
- Iň erbet film — «Dünýäleriň urşy»
- Iň erbet režissýor — Riç Li («Dünýäleriň urşy»)
- Iň erbet ssenariý — «Dünýäleriň urşy» (Mark Haýmen, Kenni Goldi)
- Iň erbet aktýor — Aýs Kýub («Dünýäleriň urşy»)
- Iň erbet ikinji derejeli aktýor — «Garpamykdaky» ýedi sany girdenegiň hemmesi
- Iň erbet aktrisa — Rebel Uilson («Içalylar toýy»)
- Iň erbet ikinji derejeli aktrisa — Skarlet Rouz Stallone («Mergenler» / Стрелки)
- Ekranda iň erbet kombinasiýa — «Garpamykdaky» ýedi sany girdenegiň hemmesi
- Iň erbet prikwel, sikwel, remeýk ýa-da plagiat — «Dünýäleriň urşy»
- «Redemption» (Günäniň geçilmegi) baýragy — Keýt Hadson («Olaryň arzuwynyň sazy»)
«Altyn malina» anti-baýragy 1980-nji ýylda amerikan publisisti Jon Uilson tarapyndan esaslandyryldy. Baýraklar, adatça, «Oskaryň» gowşurylyş dabarasynyň öňüsyrasynda yglan edilýär. 2026-njy ýylda bu dabara 16-njy marta geçilýän gije bolar.
