Sanjay Puri Architects studiýasy Hindistanyň Madhýa-Pradeş ştatyndaky Prestige University üçin okuw binasynyň taslamasyny hödürledi.
30 800 inedördül metr meýdany tutýan bäş gatly bina diagonal boýunça ýokary galyp, meýdançanyň demirgazyk böleginde 28 metr beýiklige ýeter. Onda synp otaglary, kitaphana we kafe ýerleşer.
Taslamanyň esasy aýratynlygy pyýadalar üçin niýetlenen üçek bolar. Ol gadymy hindi guýularyny ýatladýan 463 basgançakly platformadan ybarat.
IX-XV asyrlarda gurlan Çand Baori guýusy, Rajasthan sebiti
Hereketi çäkli bolan myhmanlar üçin dört terrasa hem göz öňüne tutulan.
Toplumyň düýbünde giňişligi tebigy ýagdaýda salkynladyp durjak ýalpak howuz gurmak meýilleşdirilýär.
Binanyň üçeginde dynç alyş zolaklary we leksiýa jaýlary ýerleşer. Toplumda takmynan 9000 adamlyk umumy auditoriýa hem bar.
Sanjay Puri Architects binagär Sanjay Puri tarapyndan esaslandyryldy. Bu firma bilim jaýlary, ýaşaýyş toplumlary we jemgyýetçilik ýerleri üçin dizaýnlary bilen tanalýar. Studiýanyň işleri köp sanly halkara binagärlik baýraklaryna mynasyp boldy.
