Billi Aýliş ýazyjy Silwiýa Plattyň «Aýna kapasyň içinde» (The Bell Jar) romanynyň esasynda surata düşüriljek filmde baş keşbi ýerine ýetirer. Bu 25 ýaşly aýdymçynyň doly metražly kinodaky ilkinji aktyorlyk işi bolar. Häzirki wagtda Aýlişiň agentleri filmi düşürmek işlerine başlamak boýunça gepleşikleri alyp barýar.
«Aýna kapasyň içinde» eseri Plattyň durmuşyndaky iň agyr döwürleriň birini öz içine alýar. Romanyň merkezinde köp ýyllaryň dowamynda depressiýa garşy göreşýän zenan žurnalist durýar.
Eseri ekrana goýujy režissýor ozal «Zenanlar gürleýär» (Женщины говорят) filmi üçin «Oskar» baýragyny alan Sara Polli bolar. Billi Aýliş mundan ozal Donald Gloweriň «Süri» (Рой) serialynda epizodik keşpde görnüpdi.
