10 ýaşly amerikaly dizaýner Maks Aleksander Pariž moda hepdeliminde öz kolleksiýasyny hödürläp, bu çärede öz işlerini görkezen iň ýaş kutýurýe (ýokary derejeli moda dizaýneri) boldy.
Oglanjyk takmynan alty ýyldan bäri eşik tikmek bilen meşgullanýar. Onuň müşderileriniň arasynda meşhur aktrisa Şeron Stoun hem bar.
Moda görkezilişi mart aýynyň başynda «Opera Garnýe» binasynda geçdi. Podiumda 15 sany obraz görkezildi. Geýimleriň agramly bölegi gaýtadan işlenilen materiallardan — paraşýut matalaryndan, wintaž sumkalardan, köne durmuş toý lybaslaryndan we hindi sarilerinden taýýarlandy.
Dizaýneriň ejesi Şerriniň aýtmagyna görä, Maksuň moda bolan gyzyklanmasy dört ýaşynda peýda bolupdyr. Şonda ol ene-atasyna kutýurýe bolmak isleýändigini aýdyp, maneken satyn alyp bermeklerini haýyş edipdir. Şerri gaýtadan işlemek bilen meşgullanýandygy sebäpli, manekeni öz elinde ýasap beripdir.
Soňra ol oglunyň işlerini jemgyýetçilik torlarynda paýlaşyp başlaýar. Wagtyň geçmegi bilen oglanjyk meşhurlyk gazandy we onuň Instagram sahypasyna 6 milliondan gowrak ulanyjy agza boldy.
2023-nji ýylyň noýabr ayynda Aleksander Denwer moda hepdeliginde özüniň ilkinji görkezilişini geçirdi. Şonda ol ýedi ýaşynda we 266 gününde bolup, Ginnesiň rekordlar kitabynyň wekilleri ony şeýle şüweleň guran iň ýaş dizaýner hökmünde bellige aldylar.
Oglanjygyň eýýäm bäş ýyl bäri öz hususy brendi bar. Mysal üçin, täze kolleksiýadan bolan latte reňkli penjek 323,95 ýewrodan, agşam lybasy — 1292,95 ýewrodan satylýar. Pižamalar 96,95 ýewro, kenar kostýumlary 193,95 ýewro, strazlar (lowurdaýan daşlar) bilen bezelen breloklar bolsa 24,95 ýewro bahalanýar.
