Black Bear YouTube kanalynda Gaý Riçiniň «Kanundan daşary» (Вне закона) filminiň treýleri çykdy.
Filmde baş keşpleri Jeýk Jillenhol («Ýol ýakasyndaky öý»), Genri Kawill («Polat adam») we Eýsa Gonsales («Üç jisim meselesi») janlandyrýarlar. Kinonyň daşary ýurt prokatyndaky premýerasy 15-nji maýa meýilleşdirilýär.
Sýužet ýordumy dünýäniň dürli künjeklerinde gizlin işleýän elit agentler topary barada gürrüň berýär. Olar öz täsirinden we häkimiýetinden peýdalanýarlar, şeýle hem ýarag we partlaýjy maddalary ussatlyk bilen ulanmagy başarýarlar.
Wakanyň gidişine görä, birehim hökümdar milliardlarça dollarlyk baýlygy ogurlaýar. Topar bolsa şol serişdeleri yzyna getirmek üçin iberilýär. Ilki bilen öňünden mazaly taýýarlyk görlen deslapky ogurlyk ýaly görnen bu wezipe kem-kemden strategiýalaryň, aldawyň we diri galmak ugrundaky göreşiň giň gerimli garşylygyna öwrülýär.
Filmiň aktýorlar düzümine Rozamund Paýk, Jeýson Wong, Karlos Bardem, Kristofer Hiwýu, Emmett J. Skanlan, Maýkl Wu we Fişer Stiwens dagy hem girýärler.
Taslama Black Bear kompaniýasy we Lionsgate studiýasy tarapyndan hödürlener. Filmiň prodýuserleri Gaý Riçi, Deýw Kaplan, Jon Fridberg we Aýwan Atkinson.
