HBO kompaniýasy «Garri Potter» älemine esaslanýan täze serialda talyplaryň rollaryny janlandyrjak aktýorlary mälim etdi. Tomaşaçylara taslamanyň birinji möwsüminde Hogwarts mekdebiniň dört fakultetinde okaýan gahrymanlar görkezildi.
Griffindor fakultetinde kwiddiç toparynyň kapitany Oliwer Wuduň roly Orson Metýuza ynanyldy. Toparyň oýunçylary Anželina Jonsonyň, Keti Belliň we Alisiýa Spinnetiň rollaryny degişlilikde Aşha Soetan, Er Farrell we Serrana Su-Ling Bliss janlandyrarlar. Oýunlaryň teswirçisi Li Jordany bolsa Itan Smit oýnar.
Slizerin fakultetinde toparyň kapitany Markus Flintyň roly Oliwer Krofta berildi. Toparyň beýleki oýunçylarynyň keşbinde D’Anželu Oseý Kissiedu, Dilan Hit, Kornelius Brendret, Eddison Berç, Jeýms Dauell we Genri Medherst çykyş ederler. Pensi Parkinsonyň roly bolsa Laýla Barwige degişli boldy.
Puffenduý fakultetinde Garri Potteriň kursdaşlarynyň rollaryny Indiýa Mun, Jeýms Trewelýan Bakl, Sian Igl-Serwis we Jazmin Lewin ýerine ýetirerler.
Kogtewran fakultetinde Padma Patili Anžula Murali, Terri Buty Aaron Çžao, Penelopa Kristaly Skarlett Arçer we Laýza Turpini Iw Uolls janlandyrar.
«Garri Potter» serialy 2027-nji ýylda HBO telekanalynda tomaşaçylara hödürlener. Taslama jemi sekiz bölümden ybarat bolar. Seriallyň awtorlary gahrymanlaryň durmuşyndan kitaplarda we filmlerde görkezilmedik has köp wakalary, şol sanda Drako Malfoýyň öýündäki durmuşyndan pursatlary görkezmegi wada berýärler.
