5-nji aprelde Awstraliýanyň Wullongong şäherinde boks agşamy geçiriler. Onuň esasy duşuşygynda birinji orta agramda öňki dünýä çempiony, awstraliýaly Tim Szýu bilen ýeňilmedik alban boksçysy Denis Nurja duşuşar.
Söweş orta agramda — 72,6 kilograma çenli derejede bolar.
Tim Szýu 31 ýaşynda. Onuň professional ringdäki statistikasynda 26 ýeňiş we 3 ýeňliş bolup, ýeňişleriniň 18-isi nokaut bilen gazanyldy. Ol professional boksda 2016-njy ýylda ilkinji gezek çykyş etdi. 2023-nji ýylda awstraliýaly türgen birinji orta agramda dünýä çempiony titulyna mynasyp boldy. Szýu özüniň öňki söweşini dekabr aýynda geçiripdi. Şonda ol amerikaly Entoni Welaskesi eminleriň biragyzdan beren çözgüdi bilen ýeňlişe sezewar etdi.
Onuň garşydaşy Nurjanyň hasabynda bolsa 20 ýeňiş bolup, ýeňişleriniň dokuzysyny nokaut bilen gazandy. Ol bir gezek hem ýeňlip görmedi.
