Amerikada her ýyl gowşurylýan Amerikanyň ssenariçiler gildiýasynyň (WGA) nobatdaky baýrak gowşurylyş dabarasy geçirildi. Iň gowy özboluşly ssenariýa ugrundaky baýraga «Günäliler» (Грешники) filminiň ssenaristi we režissýory Raýan Kugler mynasyp boldy.
Pol Tomas Anderson bolsa «Bir söweşden soň beýleki» (Битва за битвой) filmi üçin iň gowy uýgunlaşdyrylan ssenariýa ugry boýunça ýokary baha aldy. Telewideniýe nominasiýalarynda bolsa «Pitt», «Kinostudiýa» we «Gizlinlikde» (Под прикрытием) atly komediýa taslamalary ýeňiji diýlip yglan edildi.
Häzirki wagtda bu iki film «Oskar» baýragynyň hem esasy dalaşgärleri hasaplanýar. «Günäliler» filmi jemi 16 ugur boýunça, «Bir söweşden soň beýleki» filmi bolsa 13 ugur boýunça dalaşgär görkezildi. «Oskar» baýragyny gowşuryş dabarasy 15-nji martda ABŞ-nyň gündogar wagty bilen sagat 19:00-da, ýagny Aşgabat wagty bilen 16-njy martda sagat 04:00-da meýilleşdirilýär. Dabara ABC telekanaly arkaly göni ýaýlymda görkeziler.
Baýraklary dabaraly ýagdaýda gowşurjaklaryň arasynda Hawýer Bardem, Kris Ewans, Çeýz Infiniti, Maýki Medison, Demi Mur, Kumaýl Nandžiani, Maýa Rudolf, Edriýen Brodi, Kiran Kalkin, Robert Dauni-kiçi we Enn Heteueý ýaly dünýä belli ýyldyzlar bar.
