Pixar animasiýa studiýasy «Nägehanlar korporasiýasy» (Корпорация монстров) älemi boýunça täze doly metražly filmiň üstünde işleýär. Bu barada «The Wall Street Journal» neşiri studiýanyň «Bökegenler» (Прыгуны) atly täze multfilminiň çykmagynyň öňüsyrasyndaky işi barada taýýarlan makalasynda habar berdi.
Režissýor Piter Dokter tarapyndan düşürilen «Nägehanlar korporasiýasy» atly ilkinji multfilm 2001-nji ýylda ekranlara çykyp, dünýä prokatynda 500 million dollardan gowrak gazandy. Soňra studiýa 2013-nji ýylda 743 million dollar girdeji gazanan «Nägehanlar uniwersiteti» (Университет монстров) prikwelini çykardy.
Soňlugy bilen bu franşiza «Iş başyndaky nägehanlar» (Монстры за работой) animasion serialy görnüşinde dowam etdirildi. Bu taslama iki möwsüm bolup çykdy.
Täze multfilm barada maglumat entek ýok. Filmiň režissýorynyň kimdigi, sýužetiň näme baradadygy we premýeranyň haçana meýilleşdirilýändigi barada hem habar berilmedi.
Şol bir wagtyň özünde, studiýanyň täze taslamasy bolan «Bökegenler» multfilmi deslapky görkezişlerde 3,2 million dollar toplap, prokata başlady. Çaklamalara görä, onuň birinji dynç günleriniň dowamyndaky girdejisi 40 million dollara ýetip biler.
