Internetde «Kesgir gaşlar: Ölmez adam» (Острые козырьки: Бессмертный человек) filmi barada ilkinji synlar peýda boldy. Filmiň Netflix platformasyndaky premýerasy 20-nji marta meýilleşdirilýär.
Tankytçylar meşhur serialyň dowamy bolan doly metražly filme, umuman, oňyn baha berdi. Rotten Tomatoes saýtynda filmiň reýtingi 92 göterime deň boldy. Metacritic saýtynda bolsa bahalar biraz pesräk — 100 baldan 61 bal boldy.
Synçylar taryhy wakalaryň gerimini, dartgynly ýagdaýy we sýužetiň drama ugruny aýratyn belleýär. Olaryň pikirine görä, film diňe bir serialyň muşdaklaryny däl, eýsem has giň tomaşaçylar köpçüligini hem gyzyklandyryp biler.
Filmdäki wakalar Ikinji jahan urşy döwründe bolup geçýär. Killian Mýorfi tarapyndan ýerine ýetirilen gangster Tomas Şelbi bombalamalaryň netijesinde weýran bolan Birmingeme dolanyp gelýär. Tomas ol ýerde Barri Keoganyň ýerine ýetirmeginde ogly Dýuk bilen ýene-de duşuşýar.
Filme Rebekka Fergýuson, Tim Rot we Stiwen Grem ýaly aktýorlar hem gatnaşdy. Filmiň režissýory Tom Harper, ssenariniň awtory bolsa asyl serialy döreden hünärmendir.
