DreamWorks Animation studiýasy «Ýabany robot» (Дикий робот) multfilminiň dowamynyň üstünde işläp başlady. Bu barada «TheWrap» neşiri habar berýär.
Birinji bölümi döreden Kris Sanders täze taslamada ssenariniň awtory hökmünde çykyş eder. Režissýorlyk wezipesini bolsa «Nimona» multfilmi bilen tanalýan Troý Kwon hem-de birinji multfilmiň işlerine suratkeş hökmünde gatnaşan Haýdi Jo Gilbert ýerine ýetirer. Sýužet barada maglumat häzirlikçe ýok.
«Ýabany robot» multfilmi Piter Braunyň adybir kitabyna esaslanýar. Bu eser adamsyz adada galan we ol ýerdäki haýwanlara kömek edip başlan robot barada gürrüň berýär. Birinji bölümde gahrymanlara Lupita Niongo, Pedro Paskal we Mark Hemill ses berdi.
Bu multfilm dünýäniň kinoteatrlarynda 334 million dollar ýygnady. Şeýle-de, ol «Oskar» baýragynyň üç nominasiýasyny aldy we «Altyn globus» baýragyna mynasyp boldy.
