Toyota kompaniýasy ABŞ-nyň bazary üçin 2026-njy model ýylynyň Toyota RAV4 Plug-in Hybrid krossoweriniň bahalaryny mälim etdi. Täze wersiýa öňki nesliň modellerinden has arzan boldy, şol bir wagtyň özünde onuň görnüşleriniň sany artdyryldy.
Eger ozal elektrik ulgamyna birikdirilýän gibrid (PHEV) diňe iki görnüşde hödürlenen bolsa, indi alyjylar üçin dört sany wersiýa elýeterlidir. Ozaldan mälim bolanlara indi ýolsuz ýerlere niýetlenen Woodland we sport görnüşli GR Sport modelleri goşuldy.
SE esasy wersiýasynyň bahasy eltip bermek hyzmaty bilen bilelikde 42 950 dollardan başlanýar. Bu bolsa öňki nesliň degişli wersiýasyndan 3 315 dollar arzan diýmekdir.
Woodland wersiýasy 46 750 dollardan hödürlenýär.
XSE 48 650 dollar diýlip bahalandyrylýar — bu öňki modeliň meňzeş wersiýasyndan 1 910 dollar arzandyr.
Täze iň ýokary wersiýa GR Sport boldy. Ol sport elementlerini, tigir yzynyň has giň aralygyny we täzeden sazlanan podweskany hem-de şassini aldy. Onuň bahasy 49 950 dollardan başlanýar — bu öňki iň ýokary XSE wersiýadan 610 dollar pesdir.
Diňe elektrik energiýasy bilen geçýän ýoly has sygymly akkumulýatoryň netijesinde, takmynan, 68 kilometrden 80 kilometre çenli artdy. Woodland we XSE wersiýalary CCS birikmesi arkaly çalt zarýad bermegi goldaýar: 10%-den 80%-e çenli zarýad almak 30 minut töweregi wagt alýar.
Krossower gibrid ulgamynyň düzüminde 2,5 litrlik benzin hereketlendirijisi bilen enjamlaşdyryldy. Umumy kuwwaty 302 at güýjünden 320 at güýjüne çenli ýokarlandy. Ähli modellerde doly çekiji ulgamy standart hökmünde hödürlenýär.
