Taryhyň iň meşhur filmleriniň awtory, Täze Zelandiýaly režissýor Piter Jekson kinematografiýanyň ösmegine goşan ägirt uly goşandy üçin Kann kinofestiwalynyň hormatly «Altyn palma şahasyny» alar. Bu barada kino gözleginiň guramaçylarynyň beýanynda aýdylýar.
79-njy Kann kinofestiwalynyň bäsleşik maksatnamasy 9-njy aprelde yglan ediler. Kinofestiwalyň özi bolsa 2026-njy ýylyň 12-23-nji maýy aralygynda geçiriler.
Piter Jeksona dünýä derejesindäki meşhurlygy Jon R. R. Tolkiniň eserleri esasynda düşürilen «Ýüzükleriň hökümdary» trilogiýasy getirdi. 2001–2003-nji ýyllarda ekrana çykan bu filmler kino taryhynda iň şowly taslamalaryň birine öwrülip, takmynan 3 milliard dollar girdeji gazandy.
Mundan başga-da, režissýoryň 2012–2014-nji ýyllarda «Hobbit» powesti boýunça düşüren üç filmi hem dünýä prokatynda ýene-de 3 milliard dollara golaý peýda getirdi. Jekson diňe bir girdeji däl, eýsem täzeçil täsirliekilleri we gürrüň beriş usuly bilen häzirki zaman kinosynyň çygryny giňelden ussat hökmünde hem ykrar edilýär.
