Halkara zenanlar güni mynasybetli, Türkmenistanyň Dokma senagaty ministrliginiň Aşgabatdaky Modeller öýünde baýramçylyk çäresi we sergi geçirildi. Dabara dokma pudagynyň abraýly işgärleri, paýtagtymyzyň öňdebaryjy kärhanalarynyň ýolbaşçylary we hünärmenleri gatnaşdylar diýip, «Neýtalnyyý Turkmenistan» gazeti habar berýär.
Täze lybaslar toplumynyň görkezilişi çäräni gyzykly pursatlara besledi. Modeller öýüniň dizaýnerleri we tikinçileri milli biçüwleri häzirki zaman moda nysaklary bilen utgaşdyrylan döwrebap lybaslary köpçülige hödürlediler. Ýumşak ýüpek we tebigy zygyr matasyndan tikilen köýnekleriň hemmesi diýen ýaly, dürli öwüşginli türkmen keşde nagyşlary bilen bezelipdir.
Geçirilen sergi we lybas görkezilişi ýurdumyzyň dokma senagatynyň gazanan üstünlikleriniň, şeýle hem pudagy mundan beýläk-de ösdürmek bilen bagly täze mümkinçilikleriň beýany boldy. Baýramçylyk çäresi Türkmenistanyň Dokma senagaty ministrligi, Kärdeşler arkalaşyklarynyň Milli merkezi we ýurduň Zenanlar birleşiginiň Merkezi Geňeşi tarapyndan bilelikde guraldy.
