Lego kompaniýasy awtoulaglaryň köpçülikleýin önümçilik döwrüniň öňbaşçysy hasaplanýan Ford Model T-e bagyşlanan täze toplumyny çykaryp, Lego Icons seriýasyny giňeltdi.
Toplumyň bahasy 129,99 dollar. Deňeşdirmek üçin: 1920-nji ýyllarda hakyky Model T-niň bahasy 250-den 290 dollara çenli bolupdyr.
Model gara reňkde ýerine ýetirilip, ak tekerleriň we mis öwüşginli radiatoryň imitasiýasyna eýedir. Mata eplenýän üçek hem gara reňkde. Konstruktor birnäçe hereketli elementler bilen enjamlaşdyrylan - öňdäki aýnanyň bölümleri aýrylýar; bir gapysy, kapoty we bagažy açylýar; ruly dolandyrylýan tekerler bilen baglanyşykly; öňdäki starteriň tutawajy hereketlendirijiniň wentilyatoryny aýlaýar; aýrylýan oturgyjyň aşagynda ýangyç bagy ýerleşdirilen.
Toplumda detallaryň sany - 1060 sany. Uzynlygy takmynan 29 sm, beýikligi bolsa 20 sm töweregi.
Modeli taýýarlamaga Ford-uň arhiwariýusy we dizaýn taryhçysy, şol bir wagtyň özünde Lego kolleksioneri bolan Ted Raýan gatnaşdy.
Ýatladyp geçsek, geçen ýylyň tomsunda kompaniýa ýene bir klassiki Ford modelini — 1960-njy ýyllaryň 1241 detaldan ybarat Shelby Cobra 427 S/C ulagyny hem hödürläpdi.
