Halkara futbol federasiýasynyň (FIFA) metbugat gullugy 2026-njy ýyldaky dünýä çempionatynyň resmi posterini neşir etdi. Bu şekil guramanyň resmi saýtynda ýerleşdirildi. Ýaryş şu tomusda ABŞ-da, Kanadada we Meksikada geçiriler.
Bellenilişi ýaly, dünýä çempionatlarynyň taryhynda ilkinji gezek posteri döretmek üçin birbada üç sany suratkeşiň tagallalary birleşdirildi. Bu taslamanyň üstünde kanadaly Karson Ting, meksikaly Minerwa GM we amerikaly Henk Willis Tomas dagy işlediler.
FIFA-nyň resmi saýtynda bellenilişi ýaly, ýaryşyň resmi posteri hyzmatdaşlyk ruhuny, ýaryşyň joşgunyny we şu üýtgeşik pursadyň agzybirligini dabaralandyrýar.
2026-njy ýylyň futbol boýunça dünýä çempionaty 11-nji iýunda başlap, 19-njy iýulda tamamlanar.
