«Tagt oýunlary» älemi doly metražly prikwel film bilen giňeldiler. Film Basybalyjy ady bilen tanalýan patyşa Eýgon I Targarien barada gürrüň berer diýip, The Hollywood Reporter neşiri habar berýär.
Taslama Warner Bros. tarapyndan işlenip düzülýär. Ssenariýany ozal «Andor» we «Kartdan gurlan öý» seriallarynyň üstünde işlän Bo Willimon ýazýar.
Filmdäki wakalar serialdakydan takmynan 300 ýyl öň bolup geçýär we Eýgonyň öz gyz doganlary bilen birlikde Ýedi Patyşalygy nädip birleşdirendigi hakda gürrüň berýär.
Filmiň surata düşüriliş işleriniň başlanjak ýa-da onuň tomaşaçylara hödürlenjek senesi barada heniz hiç hili maglumat ýok.
Ýakynda HBO Max-da bu agzalan älemden ýene bir taslama - «Ýedi Patyşalygyň Rysary» atly prikwel görkezildi. Serial Jorj R.R. Martiniň «Dunk we Egg hakynda hekaýatlar» kitabyna esaslanýar. Ondaky wakalar «Tagt oýunlaryndan» 90 ýyl öň bolup geçýär. Birinji möwsüme üç günüň dowamynda 6,7 million tomaşaçy tomaşa etdi. Beýle üstünlik serialyň ikinji möwsüme uzaldylmagyna sebäp boldy.
