Google kompaniýasy Gemini goşundysynyň ähli mugt ulanyjylary üçin Past Chats (Öňki gepleşikler) funksiýasyny işe girizip başlady. Bu barada 9to5Google neşiri habar berýär. Mundan ozal öňki gepleşikleriň mazmunyny ýatda saklamak ukyby diňe Google AI abunaçylaryna elýeterlidi.
Bu täzelik emeli aňa berýän jogaplarynda öňki söhbetdeşliklere esaslanmaga we ulanyjynyň ileri tutýan ugurlaryny ýatda saklamaga mümkinçilik berýär. Indi ulanyjy her gezek täze sorag berende jikme-jik düşündirip durmaly bolmaz.
Goşundynyň sazlamalarynda Personal context (Şahsy kontekst) diýen bölüm peýda bolar. Ol ýerde gepleşikleriň taryhyny ýatda saklamagy açyp ýa-da öçürip, şeýle hem Gemini-niň işlemegi üçin esasy görkezmeleri belläp bolar. Mundan başga-da, emeli aňdan öňki gepleşikleriň maglumatyny ulanyp-ulanmandygyny gönüden-göni sorabam bolar.
Bu funksiýa eýýäm ulanyjylarda peýda bolup başlady. Ýewropadaky akkauntlar üçin onuň işe girizilmegi biraz soňa goýuldy.
Google geljekde mugt ulanyjylar üçin Personal Intelligence funksiýasyny hem hödürlemegi meýilleşdirýär. Ol kompaniýanyň Gmail, Google Photos we beýleki serwislerindäki maglumatlary ulanyp biler.
