Omdia seljeriş kompaniýasynyň habaryna görä, geçen ýylyň netijeleri boýunça Xiaomi kompaniýasy satuwyň 18%-ini eýeläp, dakylýan elektronika bazarynyň lideri boldy.
Bu sanawda Amerikanyň tehnologiýa läheňi Apple 17% bilen ikinji, Hytaýyň Huawei kompaniýasy bolsa 16% bilen üçünji orny eýeledi.
Bazaryň beýleki gatnaşyjylary bilen tapawut has gözeilginç boldy we Samsung we Garmin degişlilikde 9% we 5% paý aldylar.
Seljerijiler bazaryň esasy işjeňlik trekerleri, esasy sagatlar we akylly sagatlar ýaly üç segmentini belleýärler. Geçen ýyl bilen deňeşdirilende önümleriň ählisinde hem ösüş gazanylan bolsa-da, depginleri deň bolmady. Şunlukda işjeňlik trekerleri 19%, esasy sagatlar 3%, akylly sagatlar 3% ösdi.
Satuw göwrümi boýunça esasy sagatlar segmenti iň göwrümli bolmagynda galýar. Bazaryň ösmegi ulanyjylaryň dakylýan elektronika we saglyk trekingine bolan gyzyklanmasynyň artýandygyny görkezýär. Şol bir wagtda bäsdeşlik hem ýokary bolmagynda galýar we ilkinji üç kompaniýa tutuş bazaryň deň ýarysyny diýen ýaly özlerine baglaýarlar.
