Los-Anjelesde Kino aktýorlary gildiýasynyň (SAG) Actor Awards baýragynyň 32-nji gowşurylyş dabarasy geçirildi. Sylaglar aktýorlaryň kino we telewideniýedäki gazanan üstünliklerini ykrar edýär.
Filmde iň gowy aktýorlary topary üçin baş baýraga "Günäliler" filmi mynasyp boldy. Baş keşbi janlandyran aktýor Maýkl B.Jordan hem şahsy baýraga mynasyp boldy. Bütin karýerasynda gazanan üstünlikleri üçin abraýly baýrak Harrison Forda berildi.
Telewizion taslamalaryň arasynda "Pitt" we "Kinostudiýa" seriallaryna baýraklar berildi. 30-njy ýanwarda aradan çykan aktrisa Ketrin O'Hara ýogalandan soňky baýrak gowşuryldy.
Baýragyň ýeňijileri:
- Filmde iň gowy aktýorlar topary - "Günäliler"
- Iň gowy aktýor - Maýkl B. Jordan (“Günäliler”)
- Iň gowy aktrisa - Jessi Bakli (“Hamnet”)
- Ikinji plandaky iň gowy aktýor - Şon Penn (“Söweşden söweşe”)
- Ikinji plandaky iň gowy aktrisa - Emi Medigan (“Gurallar”)
- Drama serialyndaky iň oňat aktýorlar topary – “Pitt”
- Drama serialyndaky iň oňat aktýor - Nua Uaýli ("Pitt")
- Drama serialyndaky iň gowy aktrisa - Keri Rassel ("Diplomat zenan")
- Komediýa serialyndaky iň gowy aktýorlar topary – "Kinostudiýa"
- Komediýa serialyndaky iň gowy aktýor - Set Rogen (“Kinostudiýa”)
- Komediýa serialyndaky iň gowy aktrisa - Ketrin O'Hara (“Kinostudiýa”)
- Kiçi serialdaky ýa-da telefilmdäki iň gowy aktýor – Ouen Kuper (“Ýetginjeklik ýaşy”)
- Kinodaky iň oňat kaskadyorlar topary – “Amal edip bolmajak tabşyryk: Soňky haklaşyk”
- Telewideniýedäki iň gowy kaskadýorlar topary – “Içimizden birimiz”
- Gazanan üstünlikleri üçin abraýly baýrak – Harrison Ford
