Google kompaniýasy özüniň Translate (Terjime) goşundysy üçin emeli aňa esaslanýan täze mümkinçilikleri hödürledi. Gemini neýroulgamynyň goşulmagy netijesinde, indi ulanyjylar gündelik söhbetler üçin ýönekeý ýa-da resmi hat-habarlar üçin iş stili ýaly terjimäniň görnüşlerini-de saýlap bilerler.
Esasy täzelikleriň biri hökmünde akylly terjime görnüşlerini bellemek bolar. Şunda ulgam çylşyrymly sözlemleriň ýa-da durnukly söz düzümleriniň terjimesi üçin ulgam birnäçe görnüşleri hödürleýär we olaryň arasyndaky tapawudy düşündirýär. Bu, esasan nakyllar we çeper sözler bilen işlenende örän oňaýlydyr. Şeýle-de sözlemiň manysy we onuň haýsy ýagdaýlarda ulanylýandygy barada çuň maglumat almak üçin «Düşünmek» (Understand) düwmesi göz öňünde tutulandyr.
«Sora» (Ask) düwmesi bolsa ulanyjylaryň terjime baradaky anyk soraglaryna kömek edip biler. Şeýle soraglaryň içinde sözlemiň haýsydyr bir halkyň ýerli gepleşik dilinde nähili manyny aňladýandygy hem girip biler.
Häzirki wagtda bu täzelenme ABŞ-da we Hindistanda Android we iOS-lar üçin niýetlenen programmalarda elýeterlidir. Işläp düzüjiler ýakyn wagtda onuň brauzerler üçin niýetlenen görnüşiniň hem çykaryljakdygyna ynandyrýarlar.
