Aşgabatda TFF-iň Kubogy ugrundaky ýaryş başlady

Şu gün, 3-nji martda Aşgabatda Türkmenistanyň Futbol federasiýasynyň (TFF) Kubogy ugrunda geçiriljek nobatdaky ýaryş başlandy. 12-nji marta çenli dowam etjek bu ýaryşda sekiz topar çykyş eder.
Geçirilen bije çekişligiň netijesinde toparlar iki toparça bölündi:

• «A» toparça: «Köpetdag» (Aşgabat şäheri), «Ahal» (Ahal welaýatynyň Änew şäheri), «Şagadam» (Balkan welaýatynyň Türkmenbaşy şäheri) we «Nebitçi» (Balkan welaýatynyň Balkanabat şäheri).
• «B» toparça: «Arkadag» (Arkadag şäheri), «Aşgabat» (Aşgabat şäheri), «Merw» (Mary welaýatynyň Mary şäheri) hem-de 20 ýaşa çenli Türkmenistanyň ýaşlar ýygyndy topary.

Ýaryşyň düzgünnamasyna görä, deslapky tapgyrda toparçalaryň her birinde ilkinji iki orny eýelän toparlar ýarym finala çykmaga hukuk gazanar. Üçünji we dördünji orunlary eýelän toparlar bolsa öz aralarynda 5–6-njy hem-de 7–8-nji orunlar ugrunda duşuşyklary geçirer.
Ýaryşyň ähli oýunlary Aşgabat şäherindäki «Aşgabat» köpugurly stadionynyň merkezi meýdanynda geçiriler.

Toparlaýyn tapgyryň tertibi