«Oldboý» we «Başga ýol ýok» ýaly filmleri döreden günorta koreýaly režissýor Pak Çhan Uk 79-njy Kann kinofestiwalynyň emin agzalarynyň başlygy wezipesine bellendi. Bu barada Deadline habar berdi.
Festiwal 12- 23-nji maý aralygynda geçiriler.
Guramaçylar Pak Çhan Uky "görgür ussat" diýip atlandyrýarlar, onuň filmleri Kwentin Tarantinonyň we Dewid Finçeriň işleri bilen deň derejeli görülýär.
"Zal garaňky, şonuň üçin biz kinonyň ýagtylygyny görüp bilýäris. Biz zala girip, ony, ruhumyz filmiň penjiresi arkaly erkinlige çykar ýaly, içinden gulplaýarys. Filmleri görmek üçin zalda gulplanyp galmak, soňam eminler bilen jedelleşmek üçin ýene-de daşyňdan gulplatmak — men bu iki gezeklik meýletin tussaglyga sabyrsyzlyk bilen garaşýaryn. Özara ýigrenjiň we dagynyklygyň agdyklyk edýän döwründe dem alyşlarymyzyň we ýürek urşlarymyzyň sinhronlaşmagy bilen, bilelikde film görmek üçin teatrda ýygnanmagyň özi raýdaşlygyň täsirli we umumy beýanydyr diýip pikir edýärin" - diýip, Pak Çhan Uk belledi.
Ol Kann kinofestiwalynyň taryhynda eminler toparyna ýolbaşçylyk eden ilkinji koreýaly we üçünji aziýaly adam boldy. Öňki ikisi 1962-nji ýylda ýapon režissýory Tessuro Furukaki we 2006-njy ýylda gonkongly režissýor Wong Karwai bolupdy.
Festiwalyň resmi maksatnamasy aprel aýynyň ortalarynda yglan ediler.
