Kristian Beýl we Leonardo Di Kaprio amerikan režissýory Maýkl Mannyň "Darkaş" atly jenaýatçylykly trilleriň dowamynda baş keşpleri janlandyrarlar. Çikagonyň Consequence neşirine beren interwýusynda Beýl ikinji bölümde surata düşürmek üçin Çikago gaýdyp gelmegi meýilleşdirýändigini tassyklady.
Leonardo DiKaprio hem öň bu taslama gatnaşýandygyny aýdypdy. Aktýorlaryň haýsy keşpleri janlandyrjagy heniz anyk mälim däl. Filmi şu ýyl surata düşürip başlamak meýilleşdirilýär.
Mann ýene-de filmiň režissýory bolar. Ssenariýa onuň 2022-nji ýylda Meg Gardiner bilen birlikde ýazan adybir romanyna esaslanýar. Bar bolan maglumatlara görä, aktýorlar düzümine Adam Draýwer, Ostin Batler we Stiwen Grem dagynyň goşulmagynyň mümkindigi aýdylýar.
Sikweliň ýordumy iki döwri öz içine alar: 1980-nji ýyllar we 2000-nji ýyllaryň başlary.
Birinji bölüm 1995-nji ýylda çykypdy. Onda Robert De Niro, Al Paçino we Wel Kilmer baş keşplerde çykyş etdiler.
