Apple kompaniýasy özüniň elýeterli smartfon hatarynyň täze modelini — iPhone 17e smartfonyny hödürledi.
Täze model öňki iPhone 16e modeliniň dizaýnyny we ekranyň ölçegini saklap galdy. Hususan-da, smartfonda öňküsi ýaly ýokarsy gönüburç «oýukly» ekran ulanylýar.
Esasy üýtgeşmeler smartfonyň tehniki üpjünçiligine degişlidir. iPhone 17e modeli çyzylmalardan has gowy goraýan Ceramic Shield 2 aýnasy, täze A19 prosessory we MagSafe simsiz zarýad beriş ulgamy bilen enjamlaşdyryldy. Şeýle tehniki çözgütler has gymmat bahaly iPhone 17 modelinde hem ulanylýar.
Smartfon 48 Mp esasy kamera eýedir. Enjamyň içki ýadynyň iň pes möçberi iPhone 16e bilen deňeşdirilende iki esse artdyrylyp, indi 256 GB boldy.
Täze enjam üç reňkde — gara, ak we gülgüne reňklerde hödürlener.
iPhone 17e modeliniň bahasy 599 dollardan başlanýar. Smartfonyň resmi satuwy 11-nji martda başlar.
Apple arzan bahaly iPhone 17e modelini tanyşdyrdy: satuw 11-nji martda başlar
- şu gün 22:21
- 1k+
