ABŞ-da prokatyň takmynan üç aýynyň dowamynda «Haýwanlar şäheri 2» multfilmi 424,2 million dollar girdeji toplady we «Minecraft kinoda» ($424 million) filminden geçip, 2025-nji ýylda Amerikanyň kinoteatrlarynda iň köp girdeji getiren tomaşa boldy.
«Haýwanlar şäheri 2» dünýä boýunça 1,85 milliard dollar ýygnady. Munuň özi multfilme taryhyň iň köp girdejili filmleriniň sanawynda dokuzynjy orny eýelemäge mümkinçilik berýär.
Multfilmiň sýužeti towşan Judy we tilki Nik barada gürrüň berýär. Täze başdangeçirmelerde olar howply ýagdaýa düşýärler. Geri lakamly ýylan öz abraýyny dikeltmäge kömek etjek syrly kitaby ogurlamaga synanyşýar, Judy we Nik bolsa ogra ýoldaş bolmaga we şol bir wagtyň özünde polisiýadan gizlenmäge mejbur bolýarlar. Wakanyň dowamynda olar eýýäm bir päliýamanyň şol kitaby ele salmak üçin haýwanlar şäheriniň ýaşaýjylarynyň birini öldürip ýetişendigini anyklaýarlar.
