NASA ýarym asyrdan bäri ilkinji gezek astronawtlary Aýa düşürmegi 2027-nji ýyldan 2028-nji ýyla geçirdi. Karar «Artemis» Aý maksatnamasynyň düýpli guralmagy we ekipažy Aýyň üstüne ugratmazdan ozal howpsuzlyk ulgamlarynyň goşmaça barlaglaryny geçirmegiň zerurlygy bilen baglydyr.
Täzelenen tertibe 2027-nji ýyla bellenen täze «Artemis III» missiýasy-da goşuldy. Aýa gonmagyň deregine, ol Ýeriň töweregindäki orbitada örän möhüm tehnologiýalary kämilleşdirmäge gönükdiriler. Astronawtlar «Orion» gämisinde SpaceX we Blue Origin kompaniýalarynyň gonýan modullary bilen birnäçe gezek birleşip barlag geçirerler, şeýle hem ýaşaýyş üpjünçilik ulgamlaryny we täze skafandrlary barlarlar.
Şeýlelikde indi Aýa gönümel gonmak 2028-nji ýyldaky «Artemis IV» missiýasyna berkidildi.
Şol bir wagtda, iň ýakyn tapgyra — «Artemis II»-niň çäginde Aýyň daşyndan aýlanmaga taýýarlyk adaty tertipde dowam edýär. Dört adamdan ybarat ekipažly kosmos gämisiniň uçurylyşyny öňümizdäki aprel aýynda geçirmek bellenildi.
