Instagram-da ýetginjekleriň özüne zeper ýetirmek ýa-da şoňa meňzeş beýleki howply ýagdaýlar bilen bagly temalar boýunça maglumatlary gözleýändikleri barada ata-enelere duýduryş berýän täze funksiýa peýda bolar. Täzelik ata-ene gözegçiligi işjeňleşdirilen ýetginjekleriň akkauntlary üçin niýetlenendir.
Sosial ulgam duýduryş bilen bilelikde hossarlara ýörite gollanma ugradar. Onda psihologlaryň ýetginjek bilen bu temalary nähili dogry we erkin ara alyp maslahatlaşmalydygy hakyndaky maslahatlary ýerleşdirilendir. Funksiýany mart aýynyň başyndan işe girizmek meýilleşdirilýär.
Täzelenme ilki bilen ABŞ-da, Beýik Britaniýada, Awstraliýada we Kanadada elýeterli bolar. Geljekde kompaniýa täze opsiýanyň işlejek ýurtlarynyň sanawyny has-da giňeltmegi meýilleşdirýär.
Kompaniýa ulgamyň alada etmäge sebäp bolmadyk ýagdaýlarda hem işläp biljekdigini belleýär. Bu hakda kompaniýanyň habarnamasynda «Käwagt alada etmäge sebäp ýok hem bolsa, ata-enelere duýduryş berlip bilner. Esasy zat, biz munuň dogry başlangyçdygyna ynanýarys we bilermenler hem bizi goldaýar. Ähli zady dogry alyp barmak üçin seslenmelere gulak asmagy dowam ederis» diýlip bellenilýär.
