Dünýäde şeker çiňriginiň ýygnalyşy tas iki milliard tonna ýetdi, bu bolsa ony planetanyň iň köp öndürilýän oba hojalyk ekini edýär diýlip, BMG-niň Azyk we oba hojalyk guramasynyň (FAO) habarynda aýdylýar.
Guramanyň 2024-nji ýyl üçin statistiki maglumatlaryna görä, bu ekiniň ýyllyk önümçilik göwrümi 1,94 milliard tonna deňdir.
Ählumumy reýtingde ikinji orny 1,22 milliard tonna görkeziji bilen mekgejöwen eýeleýär.
Ondan soňra degişlilikde 820 we 798 million tonna ýygnalyş göwrümi bilen tüwi we bugdaý gelýär. Esasy önümleriň sanawyny dünýä önümçiligi 294 million tonnadan aşan gant şugundyry jemleýär.
Şeker çiňriginiň we soýanyň iň iri öndürijisi hökmünde Braziliýa çykyş edýär.
Bugdaý ösdürip ýetişdirmekde Hytaý, Hindistan we Russiýa öňdebaryjy orunlary eýeleýärler.
Amerikanyň Birleşen Ştatlary mekgejöwen öndürmekde liderligini saklaýar, bu hasylyň ep-esli bölegi biogary we iým öndürmäge gönükdirilýär. Hususan-da, Aýowa ştaty tutuş Meksikadan üç esse köp mekgejöwen öndürýär.
Soýa ösdürip ýetişdirmek boýunça esasy kuwwatlyklar Hytaýda, ABŞ-da, Argentinada, Braziliýada we Paragwaýda jemlenendir.
