Netflix «Tekepbirlik we gümanalyk» romanynyň täze ekranlaşdyrmasynyň tizerini görkezdi

  • 25.02.2026 22:11
  • 2.3k+
Netflix «Tekepbirlik we gümanalyk» romanynyň täze ekranlaşdyrmasynyň tizerini görkezdi

Netflix özüniň YouTube kanalynda Jeýn Ostiniň «Tekepbirlik we gümanalyk» («Гордость и предубеждение») romanynyň täze taslamasynyň tizerini görkezdi. Garaşylýan mini-serialda baş keşbi Emma Korrin ýerine ýetirýär.

Alty bölümden ybarat boljak filmiň premýerasy 2026-njy ýyla meýilleşdirildi, emma anyk senesi häzirlikçe mälim edilmedi. Kinonyň ssenariýasy Dolli Oldertonyňky, režissýorlyk işi bolsaÝuros Line degişli.
Taslamanyň edebi esasy — Jeýn Ostiniň 1813-nji ýylda ýazan meşhur eseridir. Sýužet jemgyýetçilik deňsizligi şertlerinde Elizabet Bennet we jenap Darsiniň arasyndaky söýgi taryhy barada gürrüň berýär.
Filmde başga-da aktýorlardan Oliwiýa Kolman, Jek Lauden, Rufus Sýuell, şeýle-de surata düşüriş işlerine Freýýa Meýwor, Ria Norwud, Holli Eýweri, Houpi Periş, Luis Partrij, Jeými Demetriu we Deril MakKormak gatnaşdylar.
Bu meşhur kitap mundan ozal hem birnäçe gezek ekrana geçirilipdi. Eseriň esasynda 1995-nji ýylda Kolin Fert we Jennifer Eliň gatnaşmagynda serial, 2005-nji ýylda bolsa Kira Naýtli we Mettyu Makfedyen bilen çeper film tomaşaçylara ýetirilipdi.

Bredli Kuper «Ouşeniň on bir dosty» filminiň prikwelini surata düşürmäge taýýarlanýar
düýn 16:53
895

Bredli Kuper «Ouşeniň on bir dosty» filminiň prikwelini surata düşürmäge taýýarlanýar

«Amerikaly meşhur aktýor Bredli Kuper «Ouşeniň on bir dosty» filminiň prikweline režissýorlyk etmek isleýär» diýip, Deadline neşiri habar berýär. Çeşmäniň berýän maglumatyna görä, Kuper diňe bir režissýor bolmak bilen çäklenmän, eýsem ssenariýany ýazmagy we baş keşbi janlandyrmagy-da meýilleşdirýär...

Ýelekler, güller, göwherler: ýerdäki ýyldyzlar Oskarda niçik lowurdady?
16.03.2026 23:36
5.6k+

Ýelekler, güller, göwherler: ýerdäki ýyldyzlar Oskarda niçik lowurdady?

16-njy martyň säheri Kaliforniýadaky 98-nji Oskar baýraklaryny gowşuryş dabarasy bilen başlandy. Aslynda köpçülik bu dabara kino baýraklaryny kimiň alýandygyny bilmek üçin üýşen bolsa-da, olar gözlerini gyzyl halyçadan ýörän ýyldyzlaryň lybaslaryndan aýryp bilmediler...

«Çirkin ses 7» franşizanyň iň girdejili filmi boldy
16.03.2026 19:24
2.2k+

«Çirkin ses 7» franşizanyň iň girdejili filmi boldy

«Çirkin ses 7» (Крик 7) sleşer filmi dünýä prokatynda 176,9 million dollar girdeji gazanyp, bu meşhur franşizanyň taryhynda iň köp peýda getiren taslama boldy. Mundan ozalky rekord 1996-njy ýylda çykan we 173 million dollar (inflýasiýany hasaba almazdan) girdeji gazanan birinji bölüme degişlidi...

«Bökegenler» multfilmi 160 million dollar gazanyp, prokatyň lideri boldy
16.03.2026 17:13
1.7k+

«Bökegenler» multfilmi 160 million dollar gazanyp, prokatyň lideri boldy

Ikinji dynç günleriniň netijeleri boýunça, «Bökegenler» (Прыгуны) multfilminiň ABŞ-daky girdejisi 86 million dollara ýetdi. Animasion film eýýäm bassyr ikinji hepde amerikan prokatynyň lideri bolmagynda galýar we «Ol barada ýatlatma» (Напоминание о нём) atly dramany yzda galdyrýar...