Aşgabat-Daşoguz demir ýoluny döwrebaplaşdyrmak taslamasy maslahatlaşyldy

2026-njy ýylyň 24-nji fewralynda Türkmenistanyň Demir ýol ulaglary ministrliginiň edara binasynda ministr Mämmet Akmämmedowyň ýolbaşçylygynda Ýewropanyň demir ýol ulaglary Maýa goýum bankynyň (EIB) wekilleri bilen duşuşyk geçirildi. Bu barada Türkmenistanyň Demir ýol ulaglary ministrliginiň metbugat gullugy habar berýär.
Gepleşikleriň esasy maksady ýurduň demir ýol infrastrukturasyny ösdürmekde we döwrebaplaşdyrmakda hyzmatdaşlygyň mümkinçiliklerini ara alyp maslahatlaşmakdan ybarat boldy.
Duşuşygyň dowamynda taraplar ýük daşamak amallarynyň açyklygyny üpjün etmek hem-de infrastruktura baglanyşygynyň we tranzit mümkinçiliklerini ýokarlandyrmak üçin sanly demir ýol ulgamyny döwrebaplaşdyrmak meselesine aýratyn üns berdi. Şunuň bilen baglylykda, Ýewropa Maýa Goýum Bankyndan maliýe serişdelerini çekmegiň, şol sanda wagonyň, teplowozlaryň we aragatnaşyk bölekleriniň ätiýaçlyk şaýlaryny satyn almak üçin karz serişdeleriniň mümkinçilikleri, ýük daşamak kuwwatyny ýokarlandyrmak üçin EIB-den karz almak mümkinçilikleri öwrenildi.
Maslahatlaşylan möhüm taslamalaryň hatarynda bar bolan Aşgabat — Daşoguz demir ýoluny döwrebaplaşdyrmak meselesi uly orun eýeledi. Bu ugurda taslamanyň tehniki-ykdysady esaslandyrmasyny (TES) taýýarlamak üçin grant serişdelerini bölüp bermek we gurluşyk işlerine tehniki kömek bermek boýunça birnäçe meseleler ara alnyp maslahatlaşyldy.