«Garri Potter» serialynda Ron Uizliniň keşbini iki sany aktýor ýerine ýetirer diýip, Comicbook portaly habar berýär.
Gahrymanyň ýaşlyk keşbini Alaster Staut ýerine ýetirer, has kämil ýaşdaky keşbini bolsa Luis Şelton oýnar.
Neşiriň berýän maglumatlaryna görä, Şelton taslamanyň birinji möwsüminde Garri bilen Ronuň jadyly Einalež aýnasyny tapýan sahnasynda peýda bolar.
Şeýle hem, saýt döredijilik toparyna beýleki artistleriň goşulandygyny mälim etdi: «Haýal atlar» (Медленные лошади) serialyndaky işi bilen tanalýan Naomi Wirter hanym Malkiniň keşbini aldy, Nil Edmond bolsa myhmanhana dolandyryjysyny oýnar.
Joan Roulingiň romanlarynyň täze ekranlaşdyrylmasynyň önümçiligi 2025-nji ýylyň tomsunda Beýik Britaniýada başlandy. Serialda esasy keşpleri Dominik MakLaflin (Garri Potter), Alaster Staut (Ron Uizli) we Arabella Stenton (Germiona Greýnjer) ýerine ýetirer. Serialyň 2027-nji ýylyň başynda tomaşaçylara hödürlenmegi meýilleşdirilýär.
«Garri Potter» serialynda Ron Uizliniň keşbini iki sany dürli aktýor ýerine ýetirer
- 25.02.2026 16:04
- 4k+
