Caviar lýuks brendi iPhone Air esasynda döredilen täze we eksklýuziw Airline smartfonlar toplumyny çykarjagyny mälim etdi. Bu barada GSMArena.com portaly habar berýär.
Kompaniýa enjamyň asyl ýeňilligini saklap, ony gymmat bahaly metallar bilen baýlaşdyrdy. Ähli modeller simsiz zarýadlanmak we MagSafe ulgamy bilen üpjün edilen.
Toplumyň esasy modelleri:
Zenith (Flagman): Korpusy 18 karatlyk bitewi altyndan we krokodiliň gara derisinden taýýarlandy. Bu brendiň taryhyndaky iň ýeňil altyn smartfondyr. Bahasy 38 930 dollarlyk smartfonuň bary-ýogy 3 sanysy çykarylar.
Aureon:24 karatlyk altyn çaýylan korpus altyn mermer teksturaly karbon materialy bilen utgaşdyryldy. 9 270 dollar bahaly bu görnüşden 19 sanysy öndüriler.
Crystal: Bu nusgada awiasiýa titany, krokodiliň ak derisi we ýuwelir emaly ulanyldy. 8 910 dollardan satyljak bu enjamyň hem 19 sanysy hödürleniler
Air Black: Gara titandan we gara krokodil derisinden taýýarlanyp, bahasy 7 610 dollardan başlaýar.
Modelleriň atlary belentligi we tämizligi aňladýar. Zenith — «iň ýokary nokat», Aureon — «altyn şöhle», Crystal — «dury we ýagty» diýmekdir.
