NASA-nyň Artemis II aý missiýasynyň 6-njy marta meýilleşdirilen uçuşy tehniki näsazlyklar sebäpli yza süýşürilýär. Nobatdaky barlag wagtynda SLS raketasynyň ikinji basgançagynyň hereketlendiriji desgasynda geliý akymynyň bozulmagy ýüze çykaryldy. Bu barada NASA-nyň ýolbaşçysy Jared Aýzekman habar berdi.
Maglumatlar araky kriogen hereketlendiriji desgasynda geliý berlişiniň bökdençlige uçrandygyny görkezdi. Geliý ýangyç gaplarynyň içindäki basyşy saklamak we ulgamlaryň durnukly işlemegini üpjün etmek üçin örän möhüm. Bu näsazlyk, näme üçindir 20-nji fewralda geçirilen esasy synag wagtynda göze ilmändir.
SLS raketasy we uçarmansyz «Orion» gämisi abatlaýyş işlerini geçirmek üçin goýberiş meýdançasyndan gurnama sehine äkidiler.
Agentligiň hünärmenleri uçuşy aprel aýynyň 1-6-sy aralygy we 30-y güni peýda boljak amatly wagta taýýarlamagy tama edýärler.
Artemis II maksatnamasy on günlük uçuşy göz öňünde tutýar. Üç amerikan we bir kanadaly astronawtdan ybarat bolan ekipaž Aýyň daşyndan aýlanyp, soňra Ýuwaş ummanyna gonmaly. Bu missiýa adamzadyň täzeden Aýa barmagyndaky iň möhüm ädimleriň biridir.
