Floridanyň Atlantik uniwersitetiniň ýanyndaky Harbow-Branç okeanografiýa institutynyň hünärmenleri girdenek kaşalotlaryň organizmlerinde Helicobacter urugyna degişli, ylma ozal nämälim bolan üç sany bakteriýa genotipini tapdylar. Bu barada Journal of Wildlife Diseases neşirinde aýdylýar.
Mikroorganizmleriň bu görnüşleri Kogia Helicobacter 1, 2 we 3 diýlip belgilendi.
Netijeler 1999–2020-nji ýyllar aralygynda Floridanyň kenaryna zyňlan haýwanlaryň dokumalarynyň arhiw nusgalarynyň seljermesine esaslanýar.
Kaşalotlaryň heläk bolan 59 ýagdaýynyň 80%-inde patologoanatomiki barlaglar geçirildi we dört sany kaşalotyň aşgazanynyň diwaryndan Spiral görnüşli bakteriýalar tapyldy. Anyklamanyň gidişinde gistopatologiýa, molekulýar diagnostika we DNK-sekwirleme usullary ulanyldy.
Ilkinji iki genotip genetiki taýdan adamlar we deňiz doňuzlary üçin mahsus bolan görnüşlere meňzese-de, üçünji görnüş has tapawutly ewolýusion tohuma degişli. Barlaglar ABŞ-nyň Milli Okeaniýa we atmosfera gullugynyň gatnaşmagynda geçirildi.
«Şu görnüşli dowamly ýokanç keseller diňe bir aýry-aýry jandarlaryň saglygyna däl, eýsem tutuş populýasiýalaryň, aýratyn hem ejiz görnüşleriň ýagdaýyna täsir etmäge ukyplydyr» diýip, işiň uly awtory Enni Peýj belledi.
Floridada kenara zyňylan girdenek kaşalotlarda bakteriýanyň nämälim görnüşleri ýüze çykaryldy
- şu gün 15:50
- 918
