Paddington atly aýyjyk BAFTA baýragynyň gowşuryş dabarasynda alyp baryjylaryň biri bolar. Ol «Iň gowy çagalar we maşgala filmi» kategoriýasynda baýragy gowşurar diýip, The Hollywood Reporter neşiri habar berýär.
Bu nominasiýada «Arko», «Bung», «Lilo we Stiç» hem-de «Haýwanlar şäheri-2» filmleri hödürlenýär.
Bu gahrymanyň çärä gatnaşdyrylmagyna Londonyň Sawoý teatrynda goýulýan «Paddington: Mýuzikl» sahna eseriniň üstünliginiň sebäp bolan bolmagy ähtimal. Sahnada aýyjygyň keşbini Arti Şah ýerine ýetirýär, Jeýms Hamid bolsa sahnanyň arkasyndan oňa ses berýär we animasiýa mimikasyny herekete getirýär.
Şeýle-de agşamyň alyp baryjylarynyň arasynda Braýan Krenston, Killian Mýorfi, Itan Houk, Eými Lu Wud, Dewid Jonson, Delroý Lindo, Jillian Anderson, Glenn Klouz, Oliwiýa Kuk, Patrik Dempsi, Maýkl B. Jordon, Keýt Hadson, Maýlz Keýton, Emili Uotson we Stellan Skarsgard dagy bolar.
BAFTA dabarasy 22-nji fewralda Londonyň «Royal Festival Hall» toplumynda geçiriler. Alypbaryjy hökmünde bolsa ilkinji gezek Alan Kamming çykyş eder.
