Disney we Pixar kompaniýalary «Oýnawaçlaryň hekaýaty-5» (История игрушек-5) animasion filminiň doly derejeli treýlerini hödürledi. Multfilmiň premýerasy 19-njy iýuna meýilleşdirildi.
Bu gezek gahrymanlar çagalaryň ünsüni özüne baglan iň döwrebap duşman — gajetler bilen ýüzbe-ýüz bolmaly bolar. Esasy garşydaş hökmünde «Garpyşyk» serialynyň ýyldyzy Greta Liniň ses bermeginde Lilipad atly täze gahryman çykyş eder.
«Baz, Wudi, Jessi we beýleki toparyň işi häzirki wagtda çagalaryň arasynda meşhur bolan zat — elektronika bilen çaknyşanlarynda uly howp astynda galýar!» diýlip, beýanda bellenilýär.
Bäşinji bölümiň režissýory Endrýu Stenton («Nemonyň gözleginde», «WALL-I») boldy. Tom Henks (Wudi) we Tim Allen (Bazz Laýter) hem öz keşplerine dolandy.
Şeýle-de, aktýorlar düzümine tele-alypbaryjy Konan O’Braýen hem goşuldy, ol multfilmde körpeleri hajathana öwrenişdirmek üçin niýetlenen täze tehniki oýunjaga ses berdi.
Bar ýagysy – gajetler! «Oýnawaçlar hekaýaty 5» multfilminiň treýleri çykdy
- 20.02.2026 19:28
- 1.6k+
