Netflix kompaniýasy «Otly petegi» («Ticket to Ride») stolüsti oýnuny ekranlaşdyrmak hukugyny satyn aldy.
Ylalaşyga görä, kompaniýa, islese, oýnuň esasynda çeper ýa-da dokumental filmleri, seriallary hem-de beýleki media önümleri çykaryp biler. Bu boýunça, ilki bilen, Ben Mekler we Kris Emigiň ssenariýasy esasynda doly göwrümli filmiň çykmagyna garaşylýar. Taslamanyň prodýuserleri hökmünde «Asmodee» tarapyndan Darren Kaýman, «Tannenbaum Company-dan» Erik we Kim Tannenbaum, şeýle-de «Megamix-den» Jonatan Lewin we Jilliýan Borer çykyş ederler.
Pop-medeniýetiniň aýrylmaz bölegine öwrülip ýetişen «Otly petegi» oýny 30-dan gowrak dile terjime edildi hem-de 20 milliondan gowrak nusgasy satyldy. 21 ýylyň dowamynda dünýä boýunça köp sanly muşdaklary gazanan oýna ençeme öýkünmeler hem çykaryldy. Asmoode-niň adyndan ýerine ýetiriji prodýuser bolup çykyş edýän oýnuň awtory Alan R. Mun, Netflix bilen birleşmegiň durmuşyny gyzykdyrandygyny we millionlarça muşdak üçin bu taslamalary durmuşa geçirmäge sabyrsyzlyk bilen garaşýandygyny aýdýar.
Bu oýunda oýunçylar iň uzyn we peýdaly ýollary gurmaga çalyşýan demir ýol magnatlaryna öwrülip, iň bähbitli demir ýol çatryklaryny döretmekde garşydaşlary bilen bäsleşýärler.
