«Ýedi patyşalygyň rysary» serialyna IMDb platformasynda rekord 10/10 baha berdiler

«Tagtlar oýny» äleminde bolup geçýän we Dunk bilen Egginiň başdangeçirmelerine bagyşlanan «Ýedi patyşalygyň rysary» serialy IMDb platformasynda rekord netije görkezdi. Taslamanyň «Enäniň hatyrasyna» («Во имя матери» ) diýlip atlandyrylýan bäşinji bölümi çykan badyna 5 müňden gowrak ulanyjynyň ses bermeginde 10/10 baha almagy başardy.
Bu görkeziji «Tagtlar oýny» franşizasynyň tutuş taryhyndaky iň ýokary netije hökmünde hasaba alyndy, sebäbi mundan ozal serialyň özi bilen birlikde, onuň spin-offlarynyň hiç biri-de bu platformada beýle  ýokary baha ýetip bilmändi. Biraz soňra bu bölümiň reýtingi bir dereje aşaklan hem bolsa, barybir onuň şonça ses berijiniň arasynda 10/10 baha ýetip bilmegi ýatdan çykmajak waka bolup galdy.
Şu güne çenli teleýaýlym taslamalarynyň arasynda diňe «Garadangaýtmaz» («Во все тяжкие») serialynyň jemleýji bölümi 300 müňe golaý ses bilen şeýle ýokary derejäni saklap gelýär. «Ýedi patyşalygyň rysarynyň» mundan öňki bölümi hem rekord derejede ýokary baha alyp, franşizanyň beýleki bir serialy bolan «Ajdarhanyň öýüniň» («Дом дракона») ähli bölümlerini reýtingde yzda galdyrypdy. Bu täze taslama çykmazdan ozal «Tagtlar oýny» äleminde iň ýokary baha berlen bölümler «Kastamerdäki ýagyşlar» («Дожди Кастамере»), «Çöpdüýbileriň söweşi» («Битва бастардов») we «Gyş ýelleri» («Ветры зимы»)  hasaplanyp, olaryň hersi 9,9/10 reýting eýeläpdi.