Jeki Çanyň baş keşbi ýerine ýetirmegindäki jenaýat ekşn-trilleri bolan «Kölegäniň yzy bilen» (Охота за тенью) filminiň treýleri hödürlendi. Film 12-nji martda prokata çykar.
Waka Makaoda bolup geçýär. Birnäçe talaňçylykdan soň, ýerli polisiýa yzarlamak boýunça hünärmenden kömek soraýar. Gahryman «Kölege» lakamly syrly biri tarapyndan dolandyrylýan jenaýatçy topary yzarlap tapmak üçin täze detektiwlerden topar döredýär. Wakalaryň ýaýbaňlanmagy bilen jenaýatçylaryň yzyny yzarlamak howply garşylyga öwrülýär. Bu ýerde islendik ýalňyşlyk pajygaly netijelere getirip bilýär.
Täze filmde Jeki Çan özi üçin adaty däl keşpde — söweşiji däl-de, eýsem, ilkinji nobatda akyl-paýhasa bil baglaýan strateg we gözegçilik boýunça hünärmen hökmünde peýda bolýar. Aktýoryň aýtmagyna görä, ssenaride ony işiň nusgawy usullary bilen häzirkizaman tehnologiýalaryň arasyndaky gapma-garşylyk aýratyn gyzyklandyrdy.
Şeýle-de, filme Çžan Szyfen, Toni Lýun Kafaý we SyŞa gatnaşdy. Filmiň režissýory Larri Ýan («Kung-fu bedewi») boldy.
