Android enjamlary üçin Google Play hyzmatlarynyň täzelenmesinde ulanyjylar üçin üýtgeşme girizipdir. Peýda bolan täze funksiýalaryň biri smartfondaky «Ýüklenenler» (Downloads) bukjasyndaky faýllary awtomat ýagdaýda Google Drive ammaryna ätiýaçlyk nusgasy hökmünde ýükläp başlaýar.
Bu täze hyzmat ähli amallary fon režimde ýerine ýetirer we şol bir wagtyň özünde beýleki enjamlardan hem faýllara elýeterliligi aňsatlaşdyrar.
Android-iň häzirki wagtda bar bolan ätiýaçlyk nusgalama ulgamy eýýäm programmalaryň maglumatlaryny, jaňlaryň taryhyny, kontaktlary, SMS/MMS hatlaryny we enjamyň umumy sazlamalaryny Google Drive-de saklap gelýärdi. Emma bu täze ädim gönüden-göni ulanyjynyň şahsy faýllary bilen işlemäge gönükdirilendir. Ulgam «Ýüklenenler» bukjasyna düşýän her bir faýly awtomat usulda Google Drive-däki aýratyn bir bölüme nusgalar we şol bukjanyň birnäçe enjamyň arasynda sinhronlaşmagyny üpjün eder.
Bu täze aýratynlygyň ähli ulanyjylara anyk haçan elýeterli boljagy häzirlikçe mälim däl.
