Lucasfilm we Disney kompaniýalary «Ýyldyz söweşleri» franşizasy boýunça meşhur «Mandalorly» serialynyň epiki soňlanmasy boljak «Mandalorly we Grogu» (The Mandalorian and Grogu) doly metražly filminiň treýlerini hödürledi.
Treýlerde Din Jarin bilen onuň ýaşyl reňkli kiçijik ýoldaşy Grogunyň başdangeçirmelerinden täsin kadrlar görkezilýär. Olar ýykylan Galaktika imperiýasynyň galyndylary, Hattlaryň sindikatynyň agzalary bilen ýüzbe-ýüz bolar. Şeýle-de, olar nobatdaky ýerli söweşde iki oduň arasynda galar we dürli planetalaryň täsin ýaşaýjylary bilen duşuşar.
Kadrlardan görnüşi ýaly, «Mandalorly we Grogu» filminiň muşdaklar üçin täsirli, özüne çekiji we gyzykly film bolmagyna garaşylýar.
Ýatladyp geçsek, filmde Pedro Paskal ýene öz keşbine gaýdyp geler. Onuň bilen birlikde ekranda Sigurni Uiwer, Jeremi Allen Uaýt we Jonatan Koýn hem peýda bolar.
Filmiň dünýä kinoteatrlaryndaky premýerasy 22-nji maýda bolar.
«Ýyldyz söweşleriniň» muşdaklary üçin «Mandalorly we Grogu» filminiň treýleri çykdy
- 18.02.2026 23:38
- 1.7k+
