Şu gün, 18-nji fewralda Er-Riýadyň «Mrsul Park» stadionynda AFK Çempionlar ligasy-2-niň 1/8 finalynyň jogap duşuşygy geçiriler. Saud Arabystanynyň «Al-Nasr» topary öz meýdançasynda Türkmenistanyň çempiony — «Arkadag» futbol klubuny kabul eder. Oýun Aşgabat wagty bilen 23:15-de başlanar.
11-nji fewralda Aşgabatda geçirilen ilkinji duşuşyk saud klubunyň minimal artykmaçlygy bilen (1:0) tamamlandy. Ýeke-täk gol duşuşykda ýeňiş saud klubuna ýeňiş getirse-de, indiki tapgyra iki duşuşygyň jemi boýunça ýeňiş gazanan topar çykar.
Žorže Žezusyň ýolbaşçylygyndaky topar ýaryşyň esasy faworitleriniň biri hasaplanýar. Toparyň ýaryşdaky görkezijileri - alty oýunda alty ýeňiş. Gol tapawudy bolsa 22:2.
Saudlylaryň ätiýaçlyk düzüminiň gürlügi hatda esasy ýyldyzlar bolmasa-da, toparyň şol bir derejede güýçli oýnamagyna mümkinçilik berýär.
Ýaryşa ilkinji gezek gatnaşýan «Arkadag» toparçalaýyn tapgyrda «Al-Haldiýa» we «Andižan» ýaly toparlary yzda galdyryp, ikinji orny eýeledi. Utulan çykdy tapgyrynda Saud Arabystanynyň Pro-ligasynyň güýçli topary bilen çykmak «Arkadag» üçin uly sport synagy we dünýä ýyldyzlaryna garşy oýnap, tejribe toplamak üçin ajaýyp mümkinçilikdir.
«Al-Nasryň» oýna çykjak düzümi agşamyň iň uly gyzyklanma döredýän soragydyr. Kriştianu Ronaldu, Sadio Mane, Žoau Feliks we Kingsli Koman ýaly ýyldyzlaryň meýdança çykjakdygy heniz belli däl. Emma klubuň sosial ulgamlarynda olaryň umumy topar bilen türgenleşik geçirendigi habar berildi, bu bolsa janköýerler üçin garaşylmadyk sowgatlaryň bolmagyna yşarat edýär.
