Huawei kompaniýasy üpjünçiligini 46,8% artdyryp, bazaryň 24,5%-ine eýe bolmak bilen, Hytaýyň akylly sagat bazarynda birinji orny eýeledi. Bu barada Runto guramasynyň maglumatlaryna salgylanyp, My Drivers neşiri habar berýär.
Ikinji orunda 16,5% paý bilen Apple ýerleşýär. Has pes orundadygyna garamazdan, kupertinoly kompaniýa uly ösüş görkezdi — 76,8%.
Öňdebaryjylaryň üçlügini 8,8% paý we 65,4% ösüş bilen Xiaomi jemleýär.
Umuman alanyňda, Hytaýyň akylly sagat bazary geçen ýyl 21,34 million gurluşa ýetdi, bu bolsa öňki ýyl bilen deňeşdirilende 15,6% köpdür. Şol bir wagtyň özünde, girdejiler bir ýarym esse artdy, bu bolsa ulanyjylaryň has gymmat modelleri işjeň saýlaýandygyny görkezýär. Gurluşlaryň ortaça bahasy, takmynan, 165 dollara ýetdi.
Umumy trend bazaryň diňe bir satylan sagatlaryň sany boýunça däl, eýsem satyn alynýan modelleriň gymmaty boýunça hem ösýändigini görkezýär. Bu bolsa köp funksiýaly we premium gurluşlara bolan islegiň artýandygyny aňladýar.
Huawei Hytaýyň akylly sagat bazarynda öňdebaryjy, ýöne Apple ösüşini çaltlandyrýar
- şu gün 17:40
- 385
