21 ýyl ozal YouTube wideolary ýüklemek we görmek üçin ýönekeý hyzmat hökmünde işläp başlady, bu gün bolsa dünýädäki iň uly wideoplatforma hasaplanýar. Bu wagtyň içinde ol tutuş internetiň, media senagatyň we diňleýjileriň endikleriniň ösmegine ep-esli täsir etdi.
Hyzmat 2005-nji ýylyň fewralynda PayPal-yň öňki üç işgäri — Stiw Çen, Çad Herli we Jawed Karim tarapyndan işe girizildi. Başda taslama tanyşlyk saýty hökmünde meýilleşdirilipdi, emma ulanyjylar oňa adaty wideorolikleri ýükläp başladylar.
Birinji wideony 2005-nji ýylyň 23-nji aprelinde peýda boldy — bu Jawed Karimiň San-Diýego haýwanat bagyndan düşüren 19 sekuntlyk roligidi.
Eýýäm ýylyň ahyryna çenli platforma her gün, takmynan, iki million tomaşaçy girýärdi.
Çalt ösüş Google-yň ünsüni çekip, ol 2006-njy ýylyň noýabrynda YouTube-y 1,65 mlrd dollara satyn aldy. Şondan soň hyzmat işjeň ösüp başlady: HTML5-iň peýdasyna Flash-dan ýüz öwürdi, YouTube Kids-i we mahabatsyz tölegli abunalygy işe girizdi, YouTube TV-ni we awtorlar üçin monatizasiýa gurallaryny hödürledi.
Wagtyň geçmegi bilen platforma gysga wideolar bolan YouTube Shorts-y goşdy, dizaýnyny üýtgetdi we dezinformasiýa hem-de mahabat bökdençliklerine garşy çäreleri güýçlendirdi. Şu günki gün YouTube diňleýjileriň we sanly gurşawyň täze talaplaryna uýgunlaşmagyny dowam etdirýär.
