2026-njy ýylyň fewralynda Fin aýlagyndaky buzuň meýdany soňky on ýyl boýunça iň uly derejesine ýetdi. Bu barada Helsingin Sanomat gazeti habar berdi.
Neşiriň maglumatlaryna görä, buzuň galyňlygy häzirki wagtda 10-dan 40 santimetre çenli ýetýär. Buz gatlagy kenar ýakasy boýunça uzalyp, Botnik we Fin aýlaglarynyň arasyndaky Arhipelag deňzine çenli bardy.
Şeýle-de bolsa Fin aýlagy tutuşlygyna doňmady. Finlýandiýanyň meteorologiýa institutynyň bilermeni Aleksi Arolanyň düşündirişine görä, buz yzygiderli deňiz tarapa süýşýär, eger ozal onuň ugry gündogara tarap bolan bolsa, indi Finlýandiýanyň kenaryna tarap üýtgedi.
Soňky gezek meýdany boýunça şuňa meňzeş buz gatlagyny 2011-nji ýylyň gyşynda synlamak miýesser edipdi. Şonda Baltika deňziniň tutuş demirgazyk bölegi buz bilen örtülip, iň ýokary görkeziji 25-nji fewralda 309 müň kwadrat kilometr diýlip hasaba alyndy.
Adatça, buzuň iň köp mukdary Fin aýlagynyň gündogar böleginde emele gelýär. Gyş maýyl gelse, kenarýaka sebitleri durnukly buz gatlagyndan mahrum galýarlar.
