Britni Spirs öz aýdymlaryna bolan hukugy 200 mln dollara satdy

Amerikaly aýdymçy Britni Spirs öz aýdym-saz katalogyna bolan hukugy, takmynan, 200 mln dollara satdy. Bu barada NBC teleýaýlymy şertnamanyň şertleri bilen tanyş bolan çeşmä salgylanyp habar berýär. Maglumatlara görä, şertnama aýdymçy bilen Primary Wave kompaniýasynyň arasynda baglaşyldy. Bu habary Bi-bi-si hem tassyklap, geleşigiň 2025-nji ýylyň 30-njy dekabrynda baglaşylandygyny aýdyňlaşdyrar.
Primary Wave kompaniýasy 2006-njy ýylda döredilip, awtorlyk hukuklaryny dolandyrmak we aýdym-saz neşirýaty ulgamynda işleýär. Kompaniýa Uitni Hýuston, Bob Marli we The Doors topary ýaly meşhur artistleriň kataloglaryna eýeçilik edýär, şeýle hem häzirkizaman aýdym-saz eserlerine bolan hukuklary işjeň satyn alýar.
Aýdym-saz kataloglaryna bolan hukuklary satmak soňky ýyllaryň esasy tendensiýalarynyň birine öwrüldi. Mysal üçin, Bob Dilan 2020-nji ýylda öz katalogyny Universal Music Group kompaniýasyna satdy. Şertnamanyň bahasy resmi taýdan mälim edilmese-de, ol 300 mln dollar töweregi diýlip hasaplandy. 2021-nji ýylda bolsa Brýus Springstin öz katalogyny Sony Music Entertainment kompaniýasyna, takmynan, 500 mln dollara satypdy.